ရဖ်ဖရန့် ပေးခြင်း

တလောက နယူးဇီလန်ကို ပြောင်းသွားတဲ့ အိက်စ်ကောလိ က ဟိုမှာ အလုပ်လျှောက်နေတာ၊ သူ ကျွန်မကို ရဖ်ဖရန့် တပ်ထားတာ မသိလိုက်ဘူး။ သူကလဲကြိုကြိုတင်တင် မပြောထားဘူး။ ဒါနဲ မနေ့တုန်းက နယူးဇီလန် ရီခရုမန့် အေဂျန်စီက တယောက်က ကျွန်မစီ ဖုန်းလှမ်းဆက်ပီး ဟိုမေးဒီမေး မေးတယ်။ အလုပ်ထဲရောက်ပီး နဲနဲမအားလို့ ခပ်တိုတိုဖြေပီး မေးခွန်းတွေကို မေးလ်ကနေ ဖြေမယ်လို့ပြောလိုက်တယ်။ အိက်စ်ကောလိရဲ့ သူငယ်ချင်းတွေက ဘေးမှာအကုန်ရှိတော့၊ တော်ကြာ ကျွန်မ သူ့မကောင်းကြောင်းပြောရင် ပြန်ပြောနေမှာ။ ရဖ်ဖရန့် ပေးတာ ပရိုက်ဗစ်စီ ရှိဖိုလိုတယ်။ ဒီလူ မကောင်းရင်၊ မကောင်းဘူးပြောတာပဲကောင်းတယ်။ ကိုယ်က အားနာပါးနာနဲ့ ကောင်းပါကြောင်း၊ တော်ပါကြောင်း သွားပြောပီးမှာ သူ့ကို တကယ်လဲ ခိုင်းရော ဘာမှမလုပ်တတ်ဘူးဆိုရင် ရဖ်ဖရန့် ပေးတဲ့လူပါ အပြစ်ဖြစ်မှာပေါ့နော။ အဲတော့ ကျွန်မက တော်ရုံပဲဖြေတယ်။

ရဖ်ဖရန့် လိုချင်ရင် သူကအရင်ဆုံး ကိုယ့်ကို အသိပေးရမှာပေါ့။ သူ့ကို ကြိုက်တယ် ဆိုရင် အေး ရပါတယ်၊ အချင်းချင်းတွေပဲ နင်ကောင်းကြောင်း ဝမ်းသာအားရ အမွန်းတင်ပေးရတာပေါ့ ဆိုပီး လိုလိုချင်ချင်ပေးမှာပေါ့။ သူ့ကို မကြိုက်ဘူးဆိုရင်တော့ နဲနဲ ဝေ့ဝှိုက်ငြင်းရတာပေါ့။ မကြိုက်ပါဘူးဆိုမှ သူ့ကောင်းကြောင်း ဘယ်လိုလုပ်ရေးရမလဲနော။ သူမကောင်းတာကြီးကို ကောင်းပါတယ်လို့ ရေးလဲမဟုတ်၊ မကောင်းတာကြီး ကို မကောင်းပါဘူး၊ လုံးဝ သူ့ကို မကြိုက်ပါဘူး တဲ့တိုးကြီးရေးရင်လဲ မျက်နှာပူစရာ၊ အားနာစရာ။ ကိုယ် မကောင်းပြောလိုက်လို့ သူဒီအလုပ်မရဘူးဆိုပီး ကိုယ့်အပြစ်လုပ်ခံနေရအုံးမယ်နော။ အဲတော့ ပထမထဲက အရင်အသိပေးပီး သူတို့ အိုကေတယ် ဆိုမှာ ရဖ်ဖရန့် တတ်ဖို့ကောင်းတယ်။ ထားပါတော့။

အခု ကျွန်မ ဒီလူ့ကို ဘယ်လိုကောင်းအောင်ပေးရမှန်းလုံးဝ မစဉ်းစားတတ်ဘူးဖြစ်နေတယ်။ ပြောရရင် လုံးဝ ရဖ်ဖရန့် မပေးချင်ဘူး။ သူကလဲ လယ်တယ်။ သူ့ကို မကြိုက်တဲ့၊ ဘော့စ်နဲ့၊ ပရောဂျက် မန်နေဂျာ စီမှာ မတောင်းဘူး၊ သူနဲ့ နဲနဲ အလွှန်းသင့်တဲ့ တင်းမ်လိဒါ နဲ့၊ ကျွန်မ - စီနီယာ ဒီဖလော့ပါ စီမှာလာတောင်းထားတယ်။ ပြောရရင် ဒီကောင် တခုမှ ဟုတ်တိပတ်တိမတတ်ဘူး၊ အပျင်းကလဲထူ၊ ခိုင်းလိုက်ရင်လဲ တခုမှကောင်းကောင်းထွက်မလာဘူး။ ပြီးရင် ပြီးတာပဲဆိုတဲ့သဘောနဲပဲလုပ်တယ်။ သူ့မှာ လုံးဝ သူလုပ်ရတဲ့ အလုပ်အပေါ် ကောင်းစေချင်စိတ်၊ စေသနားထားဖို့စိတ်မရှိဘူး။ ဒါမဟုတ်သေးဘူး ပြန်လုပ်ဆိုရင် မျက်နှာက ဆူပုတ်ပုတ် ပြန်ရန်လုပ်ချင်တဲ့ ပုံနဲ့။ အထူးသဖြင့် ကျွန်မခိုင်းတဲ့ အလုပ်ကို ပိုမလုပ်ချင်တဲ့ အချိုးအမြဲပေးတယ်။ သူထက် ကျွန်မ အသက်အားဖြင့် တော်တော်ငယ်တာ တကြောင်း၊ မိန်းကလေး (အမြင်အားဖြင့် ဂျပု ခပ်ဆုတ်ဆုတ် နုံချာချာ လူသေးသေး) တယောက်က သူ့ကို အခိုင်းခံရတာတကြောင်း၊ ဟိုအကြောင်း ဒီအကြောင်း ပေါ့နော၊ ကျွန်မ ခိုင်းရင် အချိန်ဆွဲပီး မပီးနိုင်တော့ဘူး။ ဒီကလဲ အချိန်ဆွဲရင် လုံးဝ ကြည့်လို့ရတာ မဟုတ်ဘူး။ ၂နာရီ လုပ်ရင်ပြီးရမယ့် အလုပ်တခုကို၊ တနေ့ မပီး နှစ်နေ့ မပီး ဆိုရင်မဟုတ်တော့ဘူး။ ကိုယ် မအားလို့ အားနေတဲ့ သူ့ ခိုင်းပါတယ်၊ အလုပ်တောင် ပိုနှောင့်နှေးသွားသေးတယ် ဆိုပြသနာနော။ သူအလုပ်တွေ ရှုပ်နေလို့ ခိုင်းထားတာမပီးဘူးဆိုလဲ ဖြေသာသေးတယ်။ ခုဟာက သတိရလို့ လှမ်းကြည့်လိုက်တိုင်း ဂမ်းကစားနေလိုက်၊ ချက် နေလိုက်ပဲ တွေ့တွေ့နေရတယ်။ ကျွန်မတို့ ရုံးက ဘာမှ ပိတ်မထားတော့ ကစားချင်တာ ကစား၊ လုပ်ချင်တာ လုပ်နေလို့ရတယ်။

ဒါနဲ တခါက စိတ်တိုပီး ဘော့စ်ရှေ့မှာတင် နင်လုပ်တာ မဟုတ်သေးဘူး၊ နင်ဆီကို ပြန်လာလာစစ်နေရတာနဲ့ ငါအချိန်တွေပါ ပုတ်တယ်။ ဒီအလုပ် မပီးရင် နင့်တာဝန်ပဲဆိုပီး တဲ့တဲ့ပြောပလိုက်တယ်။ အဲတော့ ဘော့စ်က သူကို မင်းဘာတွေနဲ အလုပ်များနေလဲ၊ ဘာလဲ၊ ညာလဲ မေးတော့မှ၊ အိုး ပီးတော့မှာပါဆိုပီး ပေါက်တကရ စကားအချိုသွေးတယ်။ ဘော့စ်လဲ သွားရော ကျွန်မကိုလာပီး၊ မေ နင် တော်တော် စကားများတာပဲ၊ အာကျယ်အာကျယ် ဘစ်မေါက်သ် ဆိုပီး လာ အတွန့်တက်တယ်။ ဟား အများကြီးပဲ ပြောရရင်၊ ဒီကောင်နဲလုပ်ရတဲ့ အလုပ် တခုမှ အစဉ်မပြေဘူး။ ကျွန်မတယောက်ထဲ မဟုတ်ဘူး၊ သူနဲ့ တွဲလုပ်သမျှလူတွေအားလုံး သူ့အကြောင်းသိတယ်။ အမလေး အလုပ်သာ ကောင်းကောင်းမလုပ်တတ်တာ၊ လေပန်းရမယ့်နေရာ၊ ဟိုယောင်ယောင် ဒီယောင်ယောင် တတ်ယောင်ဝါး ဘူးလ်ရှစ် လုပ်တဲ့ နေရာမှာတော့ ကိုယ်တော်က တော်မှတော်။ အော် ဘူးလ်ရှစ် ကောင်းကောင်းလုပ်တတ်ခြင်းသည်လဲ၊ အတတ်ပညာတခုပါပဲလေဆိုပီး အဲဒီနေရာမှာတော့ သူ့ကို ဆရာတင်လိုက်ပါတယ်။

အဲလို လူစားမျိုးအတွက် တောင်းလာတဲ့ ရဖ်ဖရန့် ကို ကျွန်မ ဘယ်လို ကောင်းကောင်း ပေးရမလဲ။ သူ့ ဝမ်းစာရေးကို ကိုယ် အနှောက်အရှက် မပေးချင်ပါဘူးလေ ဆိုပီး တော်ရုံလောက် ဟိုလိမ် ဒီလိမ် ပေးလိုက်ပါတယ်။ ကျွန်မ ပြန်စာ မေးလ် ရေးနေတုန်းမှာပဲ ကိုယ်တော်က ဂျီတော့ပေါ်က လှမ်းပြောတယ်။ ဟေး မေ၊ နင့်ဆီကို တစ်ယောက်ယောက် ဖုန်းဆက်ပီး ရဖ်ဖရန့် တောင်းရင်၊ ကောင်းကောင်းလေး ပေးလိုက်စမ်းပါ၊ နဲနဲပါးပါး ဘူးလ်ရှစ်လိုက်ပေါ့နော တဲ့၊ အိုင် အမ် ကောင့်တင်း အွန် ယူ တဲ့။

အော် ဟုတ်ကဲ့ ရှင့် ကျွန်မ တတ်နိုင်သလောက် ဘူးလ်ရှစ်ပေးလိုက်ပါမယ်လို့ ဂတိပေးလိုက်ရတယ်။
ကဲကဲ သကောင့်သား၊ ကျန်းမာပါစေ၊ ချမ်းသာပါစေ။ ငါပဲ ကုသိုလ် တစ်ပဲ၊ ငရဲ တစ်ပိသာ ယူလိုက်ပါတယ်လေ။

0 comments: